Khit Thit သတင်းဌာန၏ မတ် ၂၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၁ ရက် မနက်ပိုင်းတင်ဆက်ပေးမယ့်သတင်းတွေကတော့ -ရှမ်းပြည်နယ်တောင်ပိုင်းနဲ့ ကယားပြည်နယ်အတွင်း စစ်ကြောင်းထိုးဝင်ရောက်လာစဉ် အကြမ်းဖက်စစ်တပ်ဘက်က ယာယီတပ်ရင်းမှူး ဒုဗိုလ်မှူးကြီးလင်းလင်းထွန်း အပါအဝင် ၈၈ ဦးကျော် သေပြီး ၁၀ ဦးကျော် ဒဏ်ရာရရှိကာ ၆ ဦး လက်နက်ချ အညံ့ခံခဲ့တယ်လို့ NUG ကာကွယ်ရေးဝန်ကြီးဌာနက ထုတ်ပြန်ပါတယ်။ - ရန်ကုန်တိုင်း၊ လှိုင်မြို့နယ်၊ ရန်ကုန်-အင်းစိန်လမ်း၊ ဘုရားလမ်းမီးပွိုင့်မှာ မတ်လ ၁၉ရက်နေ့ ညပိုင်းက ယာဉ် ၅ စီး တိုက်မှုဖြစ်ပွားရာ ယာဉ်တိုက်မှုကို ကယ်ဆယ်ရေးသွားတဲ့ ပရဟိတအဖွဲ့ကို လှိုင်မြို့နယ် ဒေသလုံခြုံရေး တာဝန်ယူ ထားတဲ့ ဗိုလ်မှူး ဝေယံအောင်က ပါးရိုက်သွားတယ်လို့ သိရပါတယ်။ - စစ်ကောင်စီအတွက် ဝင်ငွေရလမ်းကြောင်း ရေနံနဲ့ သဘာဝဓာတ်ငွေ့ရောင်းချမှုတွေဟာ ဥရောပသမဂ္ဂရဲ့ စီးပွားရေး ပိတ်ဆို့မှုကြောင့် သက်ရောက်မှုရှိ ကာ ဒေါ်လာသန်း ၂၀၀ ဝန်းကျင် မြန်မာစစ်တပ်ထံ မရောက်တော့ဘဲ ပိတ်မိ သွားတယ်လို့ NUG စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီး ဦးတင်ထွန်း နိုင်က ပြောပါတယ်။ -ပဲခူးတိုင်း ပဲခူးမြို့ ကျွန်းသာယာရပ်ကွက် နီလာလမ်းမှာ သမီးဖြစ်သူကို လဲကျအောင် လုပ်တယ်လို့ဆိုပြီး ပဲခူးမြို့ အမှတ် ၃ ရဲစခန်းက နယ်ထိန်းရဲ မြင့်လွင်ဟာ အသက် ၁၃ နှစ်အရွယ် ကစ်ရှနားကို ကိုင်ပေါက်ရိုက်နှက်တဲ့အတွက် ဆေးရုံတင်ထားရတဲ့ သတင်းအပါအဝင်နောက်ဆုံးရသတင်းတွေကိုတင်ဆက်ပေးပါမယ်။
